سكره @ بطوط

طنش @ تعش @ منتعش


    يوميات رايقة وجوانى

    شاطر

    نانوسه

    عدد المساهمات : 23
    السٌّمعَة : 0
    تاريخ التسجيل : 27/02/2010

    يوميات رايقة وجوانى

    مُساهمة  نانوسه في السبت فبراير 27, 2010 4:05 pm

    يوميات رايقة وجوانى
    صباح الخير والسعادة النهارده انا قررت اكتب حاجه جديده بجانب اليوميات هى يوميات برده بس بعيده عنى خالص اتمنى تعجبكو لو عجبتو هكمل اوك
    يوميات رايقه وجوانى
    الحلقه الاول
    الحادثة
    الاسماء غريبه شويه بس الابطال هو اللى فرضو الاسماء دى نتعرف على الابطال الانسه رايقه بنت كول ومتخرجه من احدى الجامعات الخاصه بتحب الخروج والفسح والاجازات اما سبب الاسم انه اسم جدتها الاستاذ جوانى شاب من الصعيد الجوانى كلاسيك جدا صريح متخرج من كليه الحقوق جامعه اسيوط وبيشتغل محامى وعايش فى مصر مع الحاجه ام جوانى واخواته
    الست رايقه متعوده كل يوم تخرج تروح النادى او تعمل شوبنج مع اصحابها وفى يوم وهى خارجه بعربيتها وسايقه وكلها انسجام مع شريط تامر حسنى الجديد عدى من قدام العربيه قطه صغننه رايقه فرملت فجاه طاااااااااخ دى العربيه اللى وراها نزلت بسرعه كانت القطه جريت بس اللى كان وراها الاستاذ جوانى وراح شاخط فيها وقال : هو انت معندكيش نظر خالص يامودام ؟
    رايقه : سو سورى بس كان فى كات عدت وانا كنت هعمل حادثه
    جوانى فاتح بقه : ايه ؟
    رايقه : بس الحمد الله هى بخير
    جوانى : بس انا مشفتيش اى حد معدى قدام العربيه
    رايقه بعصبيه : بقولك الكات عديت من قدامى وكنت هدوسها
    جوانى بنفاذ صبر : ياستى انا مش فاهم منك حاجه هو مين اللى داس على مين
    رايقه : اتس اوك
    جوانى : كمان بتغلطى فيه انا الحج عليه انا بكلمك بالذوق
    رايقه : انت عايز ايه ادفعلك تمن العربيه
    جوانى بشهامه : انا مجبليش العوض يامودام
    رايقه : انسه بليز
    جوانى : ياحول ولا قوه الا بالله اتكلى على الله يامدام
    رايقه تركب عربيتها وتمشى سايبه جوانى بنص عربيته مكسرة ومش عارف يعمل ايه .
    جوانى : هو انا اصطبحت بوش مين النهارده مفيش غيره عم مرزوق البواب وشه دائما مش بيخيب الحمد الله انى لسه عايش قعد جوانى يدور حوالين العربيه على اى سبب للحادثه وفى الاخر قال صحيح حريم مجنونه مفيش اى خواجه ولا اجنبى متعور اومال مين كات ده ؟؟؟؟
    جوانى روح البيت لقى الحاجه قاعده وبتقوله
    الحاجه : جوانى ياولدى لازم تتجوز ؟
    جوانى : هو انا قولت لا بس انتى عارف ياامى انت البنات اليومين دول حالهم مائل
    الحاجه : عندى ليكى عروسه مال وجمال بكره نروح نشوفها
    جوانى فى عقله : هو انا قاعد على قلبك ياحاجه وبعدين كل العرائس اللى تبعك الصلاحيه بتاعتهم انتهيت من زمان بس طاعه الام واجبه حاضر ياحاجه
    رجع جوانى منش غله تانى يوم ولبس البدله الحكلى اللى بيتفائل بيها ( عمره ماراح يخطب عروسه بيها والموضوع فلح ) وعلبه الشيكولاته من نفس المحل واخد الحاجه ام جوانى واتجاه الى بيت العروسه ....................... نكمل الحلقه الجايه
    avatar
    Admin
    المــــــــــــــــــــــــــــدير العـــــــــــــــــــــــــــــام
    المــــــــــــــــــــــــــــدير العـــــــــــــــــــــــــــــام

    عدد المساهمات : 76
    السٌّمعَة : 0
    تاريخ التسجيل : 23/02/2010
    العمر : 30
    الموقع : www.facebook.com

    رد: يوميات رايقة وجوانى

    مُساهمة  Admin في السبت فبراير 27, 2010 6:06 pm

    والله جميل وارجوا انك تكملى بجد فى اسرع وقت





    دمعه حزيــــــــــــــــــــــــــــــــــــــــن

    avatar
    حنين
    عضــــــــــــــــــــو جمــــــــــــــــــيل
    عضــــــــــــــــــــو جمــــــــــــــــــيل

    عدد المساهمات : 38
    السٌّمعَة : 0
    تاريخ التسجيل : 24/02/2010

    رد: يوميات رايقة وجوانى

    مُساهمة  حنين في الجمعة مارس 19, 2010 2:02 pm

    اية العروسة طلعت مين اوعى تكون
    الاخت بتاعت الكات

      الوقت/التاريخ الآن هو الجمعة ديسمبر 15, 2017 6:22 pm