سكره @ بطوط

طنش @ تعش @ منتعش


    حوار ممنوع لمرضى الضغط لانه يفــــــــــــــــــــــــــــــــرس

    شاطر
    avatar
    Admin
    المــــــــــــــــــــــــــــدير العـــــــــــــــــــــــــــــام
    المــــــــــــــــــــــــــــدير العـــــــــــــــــــــــــــــام

    عدد المساهمات : 76
    السٌّمعَة : 0
    تاريخ التسجيل : 23/02/2010
    العمر : 30
    الموقع : www.facebook.com

    حوار ممنوع لمرضى الضغط لانه يفــــــــــــــــــــــــــــــــرس

    مُساهمة  Admin في الخميس فبراير 25, 2010 4:38 pm

    ((حوار يحرق الدم -1 - ))

    ملحوظه هامه : اللي بيعاني من اي اضطرابات في ضغط الدم سواء كان ارتفاع او انخفاض او عنده دم من اساسه فمن مصلحته انه يفوت الصفحه دي وبلاش يشيلني ذنبه لو جراله حاجه - الواحد مش ناقص وقد اعذر من انذر .
    -------------
    - صخره وقعت من فوق العماره ولوح الإزاز اللي تحتها ما اتكسرش .. ليه؟؟

    - علشان ما وقعتش عليه



    - طب فرخه بتعدي الشارع وماتت فجأه ليه ؟؟

    - الصخره وقعت عليها


    - ليه ( ملفخن) بيحط جنب راسه كباية شاي قبل ما ينام؟؟

    - لان الشاي منبه



    - طب ليه بيحط جنب كباية الشاي كباية قهوه ؟

    - علشان لو الشاي ما رنشّ



    - طب ليه بيحط جنبه كباية ميه مليانه وكبايه فاضيه ؟

    - عشان يمكن يشرب ويمكن ما يشربش



    - وليه بيحط ملح على راسه ؟

    - عشان يبقى حدق



    - وليه بيحط سكر على الكرسي قبل ما يقعد ؟

    - عشان القعده تحلى



    - حاجه طايره بالسما وبتقول نياااو .. ايه هيا ؟

    - قطة بيضاء مضروبه بالشلّوت



    - طب حاجه سودا وطايره في الهواء وبتقول نيااو ايه هيا ؟

    - غراب بيستهبل



    - طب حاجه بني وطايره بالسما وما بتقلش حاجه .. ايه هيا ؟؟

    - فردة الجزمه بتاعة الراجل اللي ضرب القطة البيضة



    - طب حاجه سودا طايره بالهوا وما بتقلش حاجه .ايه هيا ؟؟

    - غراب عاقل وما بيحبش الاستهبال



    - حاجه زرقاء طايره بالسما .ايه هيا ؟؟

    - ذبابه لابسه بنطلون جينز



    - طب حاجه سودا وفيها خط احمر ورايحه من الشرق للغرب .. ايه هيا ؟؟

    - ذبابه لابسه فستان سواريه وحاطه روج ورايحه فرح وحده صاحبتها



    - طب حاجه سودا وفيها خط احمر ورايحه من الغرب للشرق ..ايه هيا ؟

    - نفس الذبابه نسيت حاجه في البيت ورجعت تجيبها



    - حاجه سوده ماشيه في الصحراء ..ايه هيا ؟

    -سرب نمل رايح يعزّي



    - نقطه سوداء على الحيطه ايه هيا ؟؟

    - ذبابه



    - طب نقطتين سود على الحيطه تبقى ايه ؟؟

    - فيشه



    - طب ثلاث نقط سود ؟؟

    - فيشه وذبابه

    - طب 54 نقطة بيضاء تبقى إييه؟؟؟

    - دا يبقى البياض بيقشر((حوار يحرق الدم - 2 - ))


    الحوار
    ايه هوا الحيوان الاخضر الصغير اللي بياكل الزلط ؟؟

    - ولد الحيوان الاخضر الكبير اللي بياكل الزلط عفـواً .. الصـورة غير موجودة



    - ايه هو عكس تلميذات ؟

    - Don`t teil me that



    - ليه الثعلب تخين ؟؟

    - عشان الثعلب fat fat



    - حاجه ماشيه على الارض وبتقول وززززززز .. ايه هيا ؟؟

    - صرصار راكب موتوسيكل



    - طب فيه ناس دخلوا شقه فعرفوا ان فيها صراصير ..عرفوا ازاي ؟؟

    - لقوا الموتوسيكلات راكنه عند الباب ع



    - تعرف تقولي فرقين بين الليمون والزيتون ؟؟

    - 1/ فيه ليموناده بس مافيش زيتوناده


    2/ تقدر تقول الناس لاموني بس ما تقدرش تقول الناس زاتوني



    - طب تعرف تقول خمس فروق بين البطه والوزه ؟؟

    - 1/ تقدر تحلق شعرك زلبطه بس ما تقدرش تحلق زلوزه



    2/ فيه رحاله اسمه ابن بطوطه بس ما فيش رحاله اسمه ابن وزوزه



    3/ تقدر تبلبط بالبحر بس ما تقدرش تبلوز فيه



    4/ كلنا بنتغطى بالشتاء ببطانيه لكن ما بنتغطاش بوزانيه



    5/ الوزه كانت زمان بطه لكن الشيطان وزها



    - طب تقدر تقولي خمس فروق بين الفيله والنمله ؟؟

    - 1/ رجل الفيل ممكن تنمّل لكن رجل النمله مش ممكن تفيّل



    2/ البيت ممكن تلاقى فيه نمليه لكن ما تقدرش تلاقى فيه فيليه



    3/ تقدر تاكل سمك فيليه لكن ما تقدر تاكل سمك نمليه



    4/ كل واحد له بروفيل لكن مالوش برونمله



    5/ You can feel but you can`t namla



    - ايه الفرق بين الفيل والبرغوت ؟؟

    - الفيل ممكن يتملي براغيت لكن مش ممكن البرغوت يتملي فيله



    - ايه عكس ( زمان ) ؟؟

    - The woman



    - طب ايه عكس ( نجوم) ؟؟

    - نقعد



    - طب ليه القطر بيصفر قدام الاجزاخانات ؟؟

    - عشان القطرة تطلع


    - ليه القطر بيقف على المحطه ؟؟

    - عشان ما بيعرفش يقعد



    - طب ليه يمشي بعد كده ؟؟

    - عشان زهق من الوقفه



    - بيضه وقعت من الطياره وما اتكسرتش ..تفتكر ليه ؟؟

    - ربنا ستر



    - طب بيضه وقعت من البرج وما اتكسرتش ..ليه ؟؟

    - وقعت على الناحيه المغسوله بمعجون الاسنان



    - ازاي نحط غزاله في الثلاجة على ثلاث خطوات ؟؟

    - نفتح الثلاجه ونحط الغزاله ونقفل الثلاجة



    - طب ازاي نحط الفيل في الثلاجة في اربع خطوات ؟؟

    - نفتح الثلاجة ونشيل الغزالة ونحط الفيل ونقفل التلاجة



    - طب طياره شايله اجهزه كهربيه وحصل فيها عطل فلازم نرمي اتقل جهاز ..نرمي ايه ؟؟

    - التلاجه علشان فيها الفيل



    - واحد بيعوم ..فجأه مات .. تفتكر ليه ؟؟

    - الثلاجه اللي رمينها وقعت عليه

    - ليه النمله بتقعد جنب البحر وهي بتقرأ؟

    عشان تبل ايدها كل ماتيجي تقلب الصفحه


    - وليه مابتاخدش الفيل قصادها على العجله؟


    عشان بيقعد يلعب في الجرس

    - وليه مابيترلوش البحر في وقت واحد؟

    علشان مافيش معاهم غير مايوه واحد


    - ليه الفيل مابيسلمش على النمله بايده؟

    علشان بتضغط على ايده وهي بتسلم فبتوجعه

    - وليه النمله مابتنامش جنبه؟

    علشان الشيطان شاطر


    - ازاي نحط فيل في ازازه؟

    نزقه وهو بيشرب


    - وازاي نحط فيلين في ازازه من غير مايلمسوا بعض؟

    نحط بينهم فيل ثالث


    - ازاي نعدي فيل من خرم ابرة ؟؟؟

    نزحلقه على الفتله بس لازم الأول نفك العقدة اللي في ذيله

    -ازاي نصطاد الفيل الاحمر؟

    نصاده ببندقية الفيل الاحمر


    - طيب ازاي نصطاد الفيل الاخضر؟

    نستناه لما يستوي وبعدين نصطاده ببندقية الفيل الاحمر

    - طيب ازاي نصطاد الفيل الازرق؟

    نكسفه- وشه يحّمر- نقوم نصطاده ببندقية الفيل الأحمر

    - ازاي نقعّد 4 فيله في عربية فولكس؟

    نقعد 2 ورا و2 قدام

    - وطيب مين اللي يسوق فيهم؟

    اللي معاه رخصه


    - طيب ازاي نقّعد 8 فيلة في عربيه مرسيدس؟

    نبيع المرسيدس ونشتري عربيتين فولكس ونفّعد في كل عربيه 2 ورا و2 قدام

    - ليه النمله مابتتجوزش عامود النور؟

    علشان شوارعي

    - دكتور اتجوز محاميه وخلفوا ولد يسموه ايه؟

    يسموه احمد على اسم جده

    - واحد شرب بنزين وراح المستشفى جرى وعلى الباب وقع - ليه؟

    البنزين خلص

    - ليه القطنه مش حتدخل النار؟

    علشان المدام نظيفه قالت القطنه مابتكدبش

    - ايه الفرق بين المزرعة والبطاطس النصف مقليه؟

    دي فارم والتانيه فارم فريتس

    - ايه الفرق بين القله والزير؟

    فيه فوازير زمافيش فواقله

    - ايه الفرق بين اللي بتقوله لحبيبتك واللي بتقوله على البنيسيللين؟

    بتقول لحبيبتك انتي في القلب وبتقول على البنيسيللن انتّي بيوتك

    - ليه الموسه ماراحتش مبعاد الموس؟

    علشان كانت ناسيت

    - طيب ليه ماراحتش الميعاد اللي بعده؟

    علشان كانت ناسيت تو

    - ايه الحاجه اللي بتطفوا على سطح الميه وأول حرف منها ح؟

    حتة خشبه

    - ايه الحاجه اللي بتطفوا على سطح الميه وأول حرف منها ب؟
    برضه حتة خشبة

    - ايه الحاجه اللي بتطفوا على سطح الميه وأول حرف منها ن؟

    نفس حتة الخشبه؟

    - ايه الحاجه اللي بتطفواعلى سطح الميه وأول حرف منها هـ؟

    هي هي حتة الخشبه؟

    ايه الحاجه اللي بتطفوا على سطح الميه وأول حرف منها ألف؟

    انت مابتتعلمش؟؟؟؟ ماقلت لك حتة الخشبه

    ايه الحاجه اللي بتطفوا على سطح الميه وأول حرف منها ي؟؟؟؟؟؟؟
    يووووووووووووووووو هي نفسها حتة الخشبة






    الردود يا شباب
    cheers cheers cheers
    avatar
    Lost..Without..You
    مشـــــــــــــــــــــــــــــــــــــــرف
    مشـــــــــــــــــــــــــــــــــــــــرف

    عدد المساهمات : 23
    السٌّمعَة : 0
    تاريخ التسجيل : 23/02/2010
    العمر : 25
    الموقع : www.yallakora.com

    رد: حوار ممنوع لمرضى الضغط لانه يفــــــــــــــــــــــــــــــــرس

    مُساهمة  Lost..Without..You في الجمعة فبراير 26, 2010 1:24 pm

    يالهووووووووووووووى



    حرام عليك يا عم انت عايز تموتنا ولا ايه




    يحتاج الرجل دقيقه ليعشق امراة ولكنه
    [/size]


    يحتاج عصور لكى ينساها


    Lost..Without..You

    نانوسه

    عدد المساهمات : 23
    السٌّمعَة : 0
    تاريخ التسجيل : 27/02/2010

    * حوار ممنوع لمرضى الضغط لانه يفــــــــــــــــــــــــــــــــرس

    مُساهمة  نانوسه في الأحد فبراير 28, 2010 4:25 am

    حاجة تحرق الدم صحيح scratch
    avatar
    حنين
    عضــــــــــــــــــــو جمــــــــــــــــــيل
    عضــــــــــــــــــــو جمــــــــــــــــــيل

    عدد المساهمات : 38
    السٌّمعَة : 0
    تاريخ التسجيل : 24/02/2010

    رد: حوار ممنوع لمرضى الضغط لانه يفــــــــــــــــــــــــــــــــرس

    مُساهمة  حنين في الثلاثاء مارس 16, 2010 5:02 pm

    ههههههههههههههه
    لا حاجة ترفع الضغط فعلا
    وهو ارتفع عندى خلاص

      الوقت/التاريخ الآن هو الأحد أكتوبر 22, 2017 5:53 am